تعليم الرسم علي الزجاج

طريقة الرسم على الزجاج

انظف سطح الزجاج أو المرايا المستخدمة من كل الأتربة بواسطة أقمشة قطنية مبللة بالماء والصابون عدل

من غير الاستعمال لأي مسحوق تنظيف

نقوم بوضع وتـثبيت ( الرسم اللي تم اختياره ) خلف الزجاج بواسطة اللزاق

وطبعا هالحجي للزجاج اللي يشف يعني ممكن نشوف من وراه الرسمه

فنبدي ابعملية شف ونقل الرسمة على الزجاج بواسطة العصار المحدد

وممكن نستعين اباضاءة ورا الصورة والرسمة مثل هالشكل



لكن لي بغينا نرسم على المراّة ( المنظرة ) ما نقدر انحط الرسمه اللي نبي ننقلها ورا الزجاجه

لأن المراّة ( المنظرة ) زجاجها عاكس ما يشف

فبهالحالة ابنستخدم الكربون وبننسخ الرسمه على المنظرة ابهالكربون

وبعدها بنحدد الرسمة بالمحدد العصار الخطوة رقم 3

نستخدم المحدد العصار لتحديد الرسم

وممكن نحدد سمك خط هالمحدد العصار بقص طرف الأنبوب الخاص بالعصار

وطبعا عند التحديد لازم اتكون حركة اليد منتظمة وخفيفة

ويكون الضغط بنفس القوة على الأنبوب

علشان ماألاقي أماكن فيها التحديد وايد وبأماكن ثانيه اشوي

وننتبه بحيث يكون بطريقه دقيقه علشان ما نسمح للألوان بأن تختلط معانا لي بدينا بالتلوين بعدين

ولي خلصنا من تحديد الرسمه نترك المحدد لين يجف نهائيا

واذا اخطأنا بالتحديد ممكن نعدلة بقطعة قماش مبللة بالتنر

أو نترك المحدد لين يجف ونشيله بعدين ( بالمشرط ) باّلة حادة

نبدي بالتلوين

نستخدم الألوان سواء كانت بالفرشة أو بالقطارة

لازم نستعمل فرشة ذات الشعر الناعم والطويل

والتلوين يكون في الفراغ اللي داخل التحديد اللي سويناه

ويكون الاتجاه بالتلوين من داخل الرسم للخارج أو من أعلى إلى أسفل

وماننسى تنظيف الفرشة كل مابغينا انغير اللون فيها عند التلوين

نترك الألوان لين اتجف نهائيا بعيد عن أي غبار ولازم انحط الرسمة ابشكل افقي وبمكان اّمن

لأن أي لمسة لها قبل ماتجف بتشوه منظرها و بيصعب علينا تعديلها

ولي انتهينا من الرسمه وجفت يفضل عرضها ابمكان يقدر الضوء ان يتخللها

علشان اتبين أجمل و أروع

سواء كان ضوء طبيعي أو حتى صناعي