3bdullah 7apep
عضو ماسي
عدد المساهمات : 219
نقاط : 624
تاريخ الميلاد : 01/10/1993
تاريخ التسجيل : 23/10/2009
العمر : 30
 | | موضوع: خماسيات : الأستاذ / عبدالشكور ضرار الى روح الراحل / محمد عبدالهادى السبعاوى الإثنين 24 يناير 2011 - 10:38 | |
| خماسيات 7/1/2011
الى روح الراحل / محمد عبدالهادى السبعاوى
صديقك الى بتعشق رؤيته وتهواه
تبوح بسرك وتشكى م الهموم وياه
رؤياه تخف الألم وتكرهك فى الأه
والدنيا لو تظلمك يرحل وتبقى وحيد
وتبقى زيى أنا وحدانى يا ولداه
كان لى صديق بعشقه كان للادب غاوى
كل الفنون تعرفه وتقول عليه هاوى
أخ وصديق محترم وف محدته متساوى
يوم 7/1 رحل عن اهله وأحبابه
ومحال يغيب عننا أسمك يا "سبعاوى"
شعللت نار الفراق فى قلب أحبابك
وتركت أكبر فراغ فى وسط أصحابك
بكت عليك القلوب بالدم لغيابك
ولت ليالى السمر والانس والألفة
ياللى أحتكرت الأدب ورهنته لحسابك
تركت خللك وحيد يشكى الهموم للهم
لا عاد له خلل وحبيب ولاحد بيه مهتم
حتى الصديق لو ظهر ميحبنيش اذ لم
بيكون فى نفسه غرض من صحبته ليا
أهين يا خللى الوفى ببكى عليك بالدم
مين بعد خللى الوفى أوريله أزجالى
أو أى وجهة نظر يقدر يقولهالى
او أى فكرة فى عمل يقدر يضيفهالى
"سبعاوى" كان له أراء مسموعة فى الأزجال
كان عنده عين ثاقبة فى نقد أعمالى
لو يوم كتبت الزجل لابد أرجعله
وبيسمع الى انكتب بالقلب وبعقله
فى النقد له مدرسة والفضل ينسب له
رحل صديقى الوفى وتركنى للأحزان
لكن دا حكم القدر وده ميعاد اجله
بكى فى أيدى القلم فى حزنه بكانى
وأهو جاله يوم القلم والقاه بيعصانى
ويميها وحى الزجل عزاه وعزانى
وقاله عيب اختشى نهنه وقال معقول
أرثيه بأيه يا ترى وأنا وسط أحزانى
راح أقوله ان الفراق أصعب كتير م الموت
وح قوله ان الصديق ذكراه محال ح تموم
ولو أن حال الصداقة دائما فى هبوط
وأقوله نام وأستريح فى الجنة يا خللى
دانت فى رحاب ربنا وع السراط ح تفوت
وأن مر بينا الزمن وفضلنا فى الدنيا
لابد يد الأجل راح ينتهى فى ثانية
والموت حقيقة يا صاحبى والدنيا دى فانية
ومنايا رب الورى يجعل ختامنا خير
وبفضله وبرحمته ح نعيش حياة تانية
يارب لأجل النبى تغفر لنا ذنوبنا
ولوالدينا وكل الأهل وأصحابنا
يارب وبرحمتك تستر لنا عيوبنا
وأجعل شفاعة النبى تشملنا فى الأخرة
وف جنة الخلد - تجمعنا باحبابنا
. | |
|
مركز رفع الصور والملفات
